Ekitaldia Museoan 11:00etan hasiko da. Aurten, 2026ko Mahasti Jaun izendatuko ditugu:
- CEBANC Sukaldaritza Eskola bere 50. urteurrenean
- AIALA Sukaldaritza Eskola bere 30. urteurrenean

Uztaren aurkezpenaren ondoren, luntxa egingo da, eta bertan, inskribatutako upeltegien txakolinak dastatu ahal izango dira, bertako produktuarekin batera.

12:15ean Salbatore Abesbatzak "Txakolin Txakolin" abestuko du plazan eta ondoren Xebas Lizaso eta Aitor Sarriegi izango dira pregoiaren arduradunak, Getariako frontoian dastaketa eta ospakizun herrikoia hasteko. 12:30etik aurrera, inskribatuak dauden 23 upeltegietako txakolinak dastatu ahal izango dira eta San Anton Egunean ohikoa den jai-giroaz gozatzeko aukera izango dute bertaratuek.