Deskribapena

Sari honen helburua da turismo gastronomikoaren arloko ekimenak aintzatestea; hain zuenere, bizitarientzeko esperientzia bat sorten, euskal kultura gastronomikoa sustatzen, eta tokiko produktuen benetakotasuna, tradizioa eta kalitatea nabarmentzen laguntzen duten ekimenak.

Hartzaileak

• Euskadi Gastronomika sareko enpresa eta baliabide turistikoak.
• Helmugan Euskadi Gastronomika sarea koordinatzen duten kudeaketa turistikorako erakundeak.
• Euskadi Gastronomika sareko laguntzaile ofizialak.

Proposamenaren balioak 

• Esperientzia paregabe eta aberasgarria da, sukaldaritzaz harago tokiko kulturarekin eta tradizioekin konektatzeko aukera emango duena.
• Tokiko produktua eta errezeta tradizionalak erabiltzen dira eta horien balioa nabarmendu, jatorria, kalitatea, historia eta ohiturak azpimarratuz. 
• Lurraldearen garapen turistiko eta ekonomikoa modu jasangarrian sustatzen du, paisaiaren eta bertako jendearen garrantzia nabarmenduz. 

Esleipen-irizpideak 

• Turismo-esperientziaren benetakotasuna eta berezitasuna.
• Tokiko produktua, errezeta tradizionalak eta eskualdeko ohitura gastronomikoak sustatzea eta hedatzea. 
• Lurraldea eta lurraldeko baliabide natural, kultural eta gastronomikoak sustatzea, jasangarritasun-irizpideak aintzat hartuta.
• Tokiko biztanleak inplikatzea eta sentsibilizatzea.
• Turismo-fluxuak antolatzea.
• Kalitatea eta bezeroarentzako zerbitzua.
• Euskadiko Turismoaren Kode Etikoaren proiektuan parte hartzea.

Deskribapena

Sari honen bidez, sektoreko eragileen arteko lankidetza-ekimenak aintzatetsi nahi dira, eta kalitatezko produktu turistiko bereziak sortzeko lankidetza sustatu. 

Era berean, aliantza estrategikoen eta ekimen sektorialen garapena aitortu nahi da, eta lankidetza-sareak sustatu eta indartu turismoaren arloan, betiere eragin positiboa izan badute Euskadi turismo gastronomikoko helmuga gisa finkatzeko. 

Hartzaileak

• Euskadi Gastronomika sareko enpresa eta baliabide turistikoak.
• Helmugan Euskadi Gastronomika sarea koordinatzen duten kudeaketa turistikorako erakundeak.
• Euskadi Gastronomika sareko laguntzaile ofizialak.
• Sektore turistikoko erakundeak eta enpresak, betiere Euskadi Gastronomika sareko eragile edo enpresa batekin batera aurkezten badute hautagaitza. 

Proposamenaren balioak 

• Sarearen eta sareko balioen eta enpresen garrantzia nabarmentzea, zerbitzuen ezagutza eta kontsumoa sustatuz eta marka ikusaraziz. 
• Sareko beste kide batzuekin lankidetzan aritzea, turismo-produktuak elkarrekin eskaintzeko.
•  Euskadi Gastronomika sarearen esparruan antolatutako sustapen-ekintzetan eta ekitaldietan inplikatzea. 

Esleipen-irizpideak 

• Hautagaietako bat, gutxienez, Euskadi Gastronomika sareko enpresa edo erakundea izatea. 
• Lurraldeko beste turismo-eragile batzuekin lankidetzan aritzea, osagai gastronomikoa duten turismo-produktuak garatzeko.
• Aliantza estrategiko, ekimen sektorial eta/edo lankidetza-sare garrantzitsuetan parte hartzea, turismoaren eta/edo gastronomiaren arloetan.
• Euskadiko Turismoaren Kode Etikoaren proiektuan parte hartzea. 

Deskribapena

Turismo gastronomikoaren arloan bezeroari ematen zaion arretaren bikaintasuna aintzatestea du helburu, bisitariaren esperientzia hobetzen eta Euskadi kalitatezko helmuga turistiko gastronomiko gisa kokatzen laguntzeko.

Hartzaileak

• Euskadi Gastronomika sareko enpresa eta baliabide turistikoak.
• Helmugan Euskadi Gastronomika sarea koordinatzen duten kudeaketa turistikorako erakundeak.
• Euskadi Gastronomika sareko laguntzaile ofizialak.

Proposamenaren balioak

Balio hauekiko konpromiso handia erakusten duten enpresa, erakunde, ekimen edo zerbitzuei ematen zaie:

• Bokazio turistiko argia, eta informazio egokia ematea, bai kokapenari, zerbitzuei eta produktuei buruz, bai turismora bideratutako inguruko enpresa eta zerbitzuei buruz.
• Eskaintzen duten jarduera garatzeko egokitutako instalazioak.
•  Giro erakargarri eta abegitsua duen gunea, esperientzia gastronomikoaz bete-betean gozatzera gonbidatzen duena.
• Abegikortasuna eta profesionaltasuna, eta zerbitzu eta arreta egoki eta adeitsua eskaintzea, bezeroek ahalik eta esperientziarik onena izan dezaten Euskadin dauden bitartean.

Esleipen-irizpideak 

• Enpresaren, erakundearen, ekimenaren edo zerbitzuaren turismo-orientazioa: arreta-tresna egokiak izatea eta produktu eta zerbitzuei nahiz inguruko turismo-eskaintzari buruzko informazio argi eta zehatza eskaintzea turistari. 
• Bikaintasuna eta profesionaltasuna bezeroarentzako arretan eta zerbitzuan. 
• Bezeroa hainbat hizkuntzatan informatzea eta artatzea. 
• Eskaintzen duten jarduera gauzatzeko instalazio egokiak eta behar bezala egokituak izatea.
• Gune eta giro erakargarri eta atseginak sortzeko egokitutako eta/edo dekoratutako instalazioak izatea. 
• Euskadiko Turismoaren Kode Etikoaren proiektuan parte hartzea.

Deskribapena

Sariak hainbat motatako komunikazio-ekintzak bereiztea du helburu, komunikabide hauei erreparatuta:

• Komunikabide tradizionalak (publizitate-kanpainak, iragarkiak, publirreportajeak eta abar).
• Komunikabide digitalak (eduki berezia sortzea, sareetako kanpainak, bideoak, influencerren eta/edo eduki-sortzaileen lankidetzak, podcastak eta abar).
• Osagai gastronomiko handia duten tokiko, estatuko eta nazioarteko sustapen-ekitaldiak, helmuga sustatzera eta/edo eragile profesionalak, komunikabideak edo azken publikoa erakartzera bideratuak.
• Osagai gastronomiko handia duten tokiko sustapen-ekitaldiak, turistei zuzenduak.

Guztiek ere Euskadiko turismo gastronomikoari loturiko zerbitzu, jarduera, produktu, helmuga edo enpresaren bat sustatu, ezagutarazi edota merkaturatzea izan behar dute xede. 

Hartzaileak

• Euskadi Gastronomika sareko enpresa eta baliabide turistikoak.
• Helmugan Euskadi Gastronomika sarea koordinatzen duten kudeaketa turistikorako erakundeak.
• Euskadi Gastronomika sareko laguntzaile ofizialak.

Proposamenaren balioak

• Euskadiren esentzia eta nortasun paregabeak transmititzeko komunikazio-ekimenak, tokiko kultura, tradizioak, gastronomia eta/edo paisaiak nabarmentzen dituztenak, eduki koherente eta kalitatezkoen bidez.
• Euskadi beste ikuspuntu batetik erakusten duten komunikazio-proposamen zirraragarri eta originalak, Euskadira bidaiatzeko eta berori bisitatzeko gogoa pizten dutenak, edo itxaropenak eta emozioak sorrarazten dituztenak. 
• Balio-proposamen paregabea duten komunikazio-ekimenak, produktu, zerbitzu, jarduera edo esperientzia turistiko eta/edo gastronomiko baten berezitasuna eta esklusibotasuna esplizituki eta berritasunez nabarmentzen dituztenak. 

Esleipen-irizpideak 

• Ekintzaren berezitasuna eta originaltasuna, baita beste proposamen batzuetatik bereizteko gaitasuna ere.
• Kominikazio-ekintzaren sormena eta inpaktua, bai edukari dagokionez, bai irudiei, formatuari esta eszenaratzeari dagokienez; istorio on bat, ondo kontatutako istorio bat, irudi zirraragarriak...
• Kalitatezko eduki koherentea: mezuak koherentea izan behar du komunikazio-kanal guztietan, eta produktuen eta zerbitzuen kalitate bikaina nabarmendu behar du, lehengaietatik hasi eta bezeroaren esperientziaraino.
• Kolaborazioak: komunikazio-proposamenari balioa ematen dioten bidaiari, bezero eta pertsona ezagunen lekukotasunak eta aipamenak eranstea, baita influencerrekin edo lotutako markekin egindako aliantzak ere. 
• Ekintzak duen inpaktu mediatikoa komunikabide tradizionaletan, digitaletan eta sare sozialetan, eta elkarrizketa eta konpromisoa sortzeko duen gaitasuna.
• Euskadiko Turismoaren Kode Etikoaren proiektuan parte hartzea.

Deskribapena

Sariaren helburua da Euskadi bisitatzen duten turisten esperientzia hobetzen laguntzen duten ekimen edo proiektu originalak aintzatestea, baita konponbide berritzaileak eskaintzen dituztenak ere, bidaiaren fase hauetakoren batean:

• Inspirazioa: informazioa bilatzea, online eta offline euskarriak, komunikazioak…
• Erabakia: bidaia erreserbatzea eta planifikatzea.
• Bizipena: zerbitzu eta produktu turistiko eta gastronomikoak kontsumitzen dituen turistaren esperientzia eta portaera. 
• Iritzia: partekatzea eta balioestea.

Halaber, enpresa, erakunde edo helmuga hauek saritzen dira: etengabeko prestakuntzaren eta ikaskuntzaren aldeko apustu garbia egiten dutenak, lantaldeak turistaren esperientzia hobetzeko gaitasun tekniko eta humanoetan trebatzeko xedez. 

Hartzaileak

• Euskadi Gastronomika sareko enpresa eta baliabide turistikoak.
• Helmugan Euskadi Gastronomika sarea koordinatzen duten kudeaketa turistikorako erakundeak.
• Euskadi Gastronomika sareko laguntzaile ofizialak.

Proposamenaren balioak

• Helmuga, enpresa eta produktu zein zerbitzuak argitasunez eta zirrara sortzeko moduan aurkeztea, horien sustapena eta turistek eskuratu eta erabil ditzaten ahalbidetzeko. 
• Berrikuntza prozesuetan eta produktuetan, esperientzia turistiko eta gastronomiko bereizgarria eta gogobetegarria lortzeko. 
• Etengabeko ikaskuntzaren alde egitea, sektorearen profesionalizazioa sustatzeko. 
• Konpromisoa bikaintasun, kalitate eta jasangarritasun turistikoarekin. 

Esleipen-irizpideak 

• Berrikuntza teknologikoa: teknologia erabiltzea turistaren esperientzia hobetzeko, erreserba eta ordainketatik hasi eta proiektuaren sustapen eta hedapeneraino. 
• Pertsonalizazioa eta segmentazioa: eskaintzak eta esperientziak turisten profiletara egokitzea, haien interesak, beharrak eta lehentasunak kontuan hartuta. 
• Esperientzia paregabe eta benetakoak: turistei berdinik gabeko esperientzia gogoangarriak bizitzeko aukera eskaintzea.
• Joeretara egokitzea: turismo gastronomikoaren azken joeren berri izatea eta turistaren lehentasunak ezagutzea, eskaintzak eta esperientziak egokitzeko. 
• Neurtzea eta ebaluatzea: neurtzeko eta ebaluatzeko sistemak ezartzea, proiektuaren inpaktua aztertzeko eta berori etengabe hobetzeko beharrezko doikuntzak egiteko. Horretan sartuta dago bezeroaren gogobetetasuna, negozioaren errentagarritasuna eta gizarte- eta ingurumen-inpaktua neurtzea.
• Langileen prestakuntzan inbertitzea, horien gaitasunak eta turistaren esperientzia hobetzeko. 
• Euskadiko Turismoaren Kode Etikoaren proiektuan parte hartzea.

Deskribapena

Sariak ekimen edo proiektu hauek aintzatestea du xede:

• Gastronomiari lotutako euskal kultura- eta paisaia-ondarea aktiboki, jasangarritasunez eta arduraz balioesten laguntzen dutenak. 
• Turismo inklusibo eta irisgarria sustatzen dutenak, mundu guztiak izan dezan gure gastronomiaz gozatzeko aukera. 
• Euskadiko kultura gastronomikoaren balioa azpimarratzen duten eta konpromiso soziala duten erakunde solidarioenak. 
  
  

Hartzaileak

• Euskadi Gastronomika sareko enpresa eta baliabide turistikoak.
• Helmugan Euskadi Gastronomika sarea koordinatzen duten kudeaketa turistikorako erakundeak.
• Euskadi Gastronomika sareko laguntzaile ofizialak.
• Euskadin dauden irabazi-asmorik gabeko GKE, erakunde edo elkarteak. 
  
  

Proposamenaren balioak

• Gure natura-ingurunea eta kultura- eta paisaia-ondarea babestea eta zaintzea. 
• Sasoiko produktuei, azoka-sukaldaritzari eta urteko une jakin batzuei lotutako tradizioei balioa ematea, desestazionalizazio turistikoa bultzatzeko. 
• Tokiko garapenaren eta konpromiso sozialaren alde egitea. 
• Turismo inklusibo eta irisgarria sustatzea.
• Eguneroko jardunean erantzukizuna eta jasangarritasuna barneratzea. 

Esleipen-irizpideak 

• Jasangarritasuna eta energia-efizientzia bultzatzeko estrategia eta neurriak hartzen dituen enpresa edo erakundea. 
• Jasangarritasunez eta arduraz natura-inguruneari, paisaiari eta kultura-ondareari garrantzia ematen dien ekimena edo proiektua. 
• Tokiko produktua eta kontsumoa sustatzea, tokiko ekoizle, denda eta enpresekin elkarlanean arituz. 
• Instalazio, zerbitzu edo jarduera egokituak, kolektibo guztiei sarbidea, erabilera eta ulermena errazteko. 
• Ekimenaren edo proiektuaren ikuspegi solidarioa edo konpromiso soziala.